Smnewstl.com – Primeiru-Ministru, Kay Rala Xanana Gusmão hala’o enkontru ho Embaixadora Portugál ba Timor-Leste, S.E. Sra. Manuela Bairos hodi atualiza vizita ofisiál Primeiru-Ministru Portugál, António Costa mai Timor-Leste.

Embaixadora Portugál ba Timor-Leste, Manuela Bairos informa, tuir agenda vizita ofisiál sei hala’o iha loron 25 to’o 26 jullo 2023.

Tuir komunikadu ne’ebe Smnews asesu komfirma, Xefe Governu Portugál hala’o vizita mai Timor-Leste hodi hametin amizade no mós kooperasaun bilaterál entre rai rua.

“Ha’u mai hasoru Primeiru Ministru Xanana hodi felisita ba kargu foun nu’udar xefe governu no informa mós ba Sr. Primeiru Ministru kona-ba vizita ofisiál Sr. Primeiru Minstru Portugál, António Costa iha semana oin,” informa iha Palasiu Governu, Dili.Timor-Leste no Portugál sai nu’udar nasaun maun alin sei kontinua koopera servisu iha área edukasaun, formasaun lian Portugues, setór administrasaun, seguransa sosiál, apoia setór justisa no área prioridade seluk kona-ba kooperasaun defeza no seguransa nian. (Smnews)

Post Views: 1,943