Smnewstl.com 23-10-2021 (Dili) – Ministériu Administrasaun Estatal (MAE) liu husi Diresaun Dezenvolvimentu Rurál deside ona bá oin, sei la marka ‘Uma Kbiit La’ek’ iha programa harii uma bá povu.
Desizaun ne’e atu komplementa prinsípiu ida husi prinsípiu Boa Governasaun partisipasaun ativu ema hothotu nian liu husi aspirasaun ba desizaun públika.
Liu husi Diretor-Jeraál Dezenvolvimentu Rural, Rosito Guterres hato’o mensajen apresiasaun inlimiti ba partisipasaun ativu liu husi opiniãun públiku tanto husi sosiedade no individual kona-ba programa VIII Governo nian “Hari Uma Dignu no Seguru ba Povo ka Uma Kbít Laek”.
Ho nune’e hanesan Diretor-Jerál hato’o mensajen ofisiál ba públiku katak, nu’udar programa foun la iha desizaun ida mak absoluta, tanba ne’e sujestaun ema hotu-hotu nian ba liafuan marka iha didin lolon Uma kbít laek ne’ebé foin inagura.
“Ami deside liu husi desizaun tékniku ho Integrado no orientado uniforma ba terreno liu husi ekipa Munisípiu, Postu no Ekipa implementador programa kada Suku sira ho uniforma ba oin sei la inklui iha dezeñu/LA MARKA #UKL,” dehan Diretór Jerál Dezenvolvimentu Rurál, Rosito Guterres, liu husi komunikadu imprensa ne’ebé smnewstl.com asesu, sábdu ne’e.
Ba jestaun intrese transparante, akontável iha programa governu nian no dezenvolvimentu husi no ba ema hotu-hotu.
Tanba ne’e apresia partisipasaun ativu ema hotu-hotu nian liu husi sujestaun, krítika no idea sira hotu.(ant)
Leave a Reply